Nota

As consultas que nos envíes ao CIM pódes envialas de dúas maneiras:

Anónima: a consulta responderíase de maneira anónima e xeral no apartado de preguntas máis frecuentes.

Personalizada: son as consultas nas que se facilita algún medio para respostar de maneira individual e personalizada e só a quen fai a cuestión; por exemplo, un correo electrónico, un número de teléfono, etc.

A muller maltratada

A muller maltratada - Concello de Ordes, Concellería de Servizos Sociais e Terceira Idade

¿Cómo é unha muller maltratada?

Non podemos describir a unha muller maltratada. Calquera muller pode chegar a ser unha mullerr maltartada. Non importa a súa idade, nin o nivel social, económico ou cultural, non importa si non sabe ler nin escribir ou se ten unha titulación universitaria.Non importa se vive no medio rural ou no urbano.

O que pode favorecer que unha muller sexa víctima de malos tratos é que esa muller teña unha baixa autoestima, viva nunha cultura machista e por tanto considere normais certos comportamentos de abuso.

¿Se eres víctima de maltrato pensas que eres culpable?

Non. Ningunha muller maltratada é culpable. Non hai ningún comportamento que xustifique os malos tratos. O que si sucede é que as mulleres maltratadas se senten normalmente culpables. O maltatador a través da violencia faille sentir que é ela a que provoca as reaccións que el pode ter sendo ela a responsable do que pasa. Ela acaba sentindo realmente culpable.

A culpabilidade é unha das mellores maneiras de someter e controlar a unha persoa. Culpala polo que ela fai ou non fai, por fecerlle crer que é unha inútil, unha tonta, que está tola, que non ten ningún criterio, que non fai nada ben, que todas as persoas as desprecian, que nadie a quere nin a bota en falta, etc.

¿Por que segues aguantando os malos tratos?

Hai moitas razóns polas que unha muller non se decide a comper unha situación de violencia. Pode ser porque tes medo, por inseguridade, por vergonza, por medo a ser xulgada, por sentirte culpable, temes que a violencia aumente, porque non tes recursos económicos suficientes, por descoñecemento dos teus dereitos, por falta de apoios familiares e de amizades, porque crees que non tes dereito a facelo,etc.

Por toda a situación que vives a diario é moi probable que sufras un bloqueo emocional que che dificulta ver con claridade a situación e decidir por ti mesma. Pensar na ruptura fai que teñas medo á soidade, que dubides das posibilidade de sair da situación, medo a afrontar todos os cambios que debes asumir na túa vida, etc.

Hai que pensar que aínda nas mellores condicións é difícil acabar cunha relación de parella, familair ou de traballo debido ao pensamentos que temos respecto ao amor, á familia, ao sentido do compromiso, ás ideas relixiosas e crenzas culturais,etc.

Aquí tes algúnhas pistas que che poden indicar se estás fronte a un maltratador

Cando unha muller está vivindo unha situación de violencia pode non detectar certos indicios por consideralos comportamentos normais ou por pensar que a súa situación é única e provocada por ela mesma.

A continuación detállanse algunhas situacións que che poden servir de alerta para reflexionar si estás sufrindo ou non situacións de violencia.

Pistas para relacións de parella

• Intenta controlar o que fas e con quen vas, contrólache o móbil, o correo electrónico,etc
• Critica a túa forma de vestir, se te maquillas ou non, etc
• Móstrase moi celoso
• Compárate coas demais en sentido negativo
• Trata de impoñerche a súa opinión e non respecta a túa
• Faiche chantaxe emocional: "se me quixeras farías esto", etc
• Busca artimañas para ter relacións sexuais cando non queres
• Fai promesas de cambio que nunca chega a cumprir
• Quítalle importancia á/s súa/s infidelidade/s...

Criterios de realidade sobre a violencia

• Cada persoa é responsable das súas condutas, sexan cales sexan as circunstancias en que se produzan. Por iso a vítima nunca é a responsable das condutas violentas das outras persoas
• Os impulsos agresivos sempre se poden controlar
• A violencia física e psicolóxica produce sempre dano físico e emocional
• A violencia na relación de parella é inadmisible en calquera das súas formas
• A relación de parella non é unha relación de poder e control, senón que debe estar baseada na igualdade e no respecto mutuo
• Sempre debemos buscar alternativas para evitar o emprego da violencia
• Mediante o emprego da violencia nunca se conseguen resolver os problemas
• Que outras persoas opinen que as vítimas son responsables da violencia non quere dicir que sexa verdade.