Nota

As consultas que nos envíes ao CIM pódes envialas de dúas maneiras:

Anónima: a consulta responderíase de maneira anónima e xeral no apartado de preguntas máis frecuentes.

Personalizada: son as consultas nas que se facilita algún medio para respostar de maneira individual e personalizada e só a quen fai a cuestión; por exemplo, un correo electrónico, un número de teléfono, etc.

Menores e violencia

Menores e violencia - Concello de Ordes, Concellería de Servizos Sociais e Terceira Idade

¿Qué é violencia?

Calquera comportamento intencionado que se dirixe cara outra/s persoas, coa finalidade de causar dano físico ou emocional.

¿Que son os malos tratos infantís?

Os malos tratos infantís é toda conduta que, por acción ou omisión, produza dano físico e/ou psíquico nunha persoa menor de 18 anos, afectando ao desenvolvemento da súa personalidade. Esta conduta é intencionada e reiterada.

¿Hai varios tipos de violencia?

Si.

Tipos de violencia:

1) Violencia física: cando recibes golpes, empuxóns, patadas, tiróns de pelo, etc.

2) Violencia psicolóxica: insultos, ameazas, coaccións, descalificacións, ridiculizacións, etc.

3) Violencia sexual: cando calquera persoa che faga sentir mal, incómodo/a coas súas palabras, xestos ou tocamentos, abusos, violacións, etc.

¿Onde e con quen sucede?

Na CASA coa FAMILIA: pai e/ou nai, irmáns/ás, tíos/as, avós/as, curmáns/ás, amizades, veciños/as.

No COLEXIO ou INSTITUTO: compañeiros/as, amizades, mestres/as, etc.

Na Rúa con PERSOAS COÑECIDAS OU DESCOÑECIDAS: veciños/as, amigos/as dos pais e/ou nais, amigos/as de irmáns/ás, etc.

¿Como sucede?

Na CASA: Labazadas, empuxóns, patadas, dentadas, golpes, insultos todos ou case todos os días.

No COLEXIO ou INSTITUTO: Empuxóns, golpes, insultos, abusos, acoso, intimidación, ameazas para facer algo, etc.

Na RÚA: ameazas, insultos, abusos, acoso, obrigar a facer algo, etc.

¿Como me podo sentir?

Enfadado/a, inseguro/a, nervioso/a, con medo, preocupado/a, irritado/a, desconcentrado/a, triste, confundido/a, sen ganas de saír, sen ganas de falar, sen apetito, con pesadelos, con dores no corpo (dores de cabeza ou de barriga), etc.

¿Que podo facer?

Se eres víctima de violencia ou presenzas violencia:

• Ante a dúbida: fala con algunha persoa na que confíes.
• Busca axuda e infórmate cos pais e/ou nais, profesorado, amigo/a, ou persoas de confianza.
• Busca axuda e infórmate en servizos especializados en violencia nos que che axudarán. Podes ir personalmente ou chamar por teléfono:

Teléfono de atención á infancia 900 333 666

E un servizo gratuíto dirixido a todos  os nenos e nenas de Galicia, así como a todas as persoas en xeral que queiran aportar suxerencias sobre os servizos á infancia ou denuncias de situacións de malos tratos, desamparo, etc. de menores.
Está atendido por persoal especializado a través dunha liña gratuíta que funciona durante todo o ano, as 24 horas do día.

Tamén se pode chamar a:

• 112 de Emerxencias Galicia
• Policía Local  de Ordes 676 975 533
• Garda Civil  de Ordes 981 68 0 030
• Servizos Sociais do Concello de Ordes  981 680 002

Tamén podes mandar un correo electrónico a: cim@ordes.dicoruna.es

LEMBRA: DICILO NON É "CHIVARSE"